تكملة للمصايب السودان عايزة حلايب ... تكملة للسنة الطين السودان عايزة شلاتين . تكملة للورطة يلا نوزع التورتة ونعيد رسم الخارطة وسلم لى على الجيش والشرطة .
المهم بالمرة نشوف اسرائيل نعطي لها سيناء ونشوف ايطاليا واليونان نعطى لهم الساحل الشمالى كله . ونشوف ليبيا نعطى لها السلوم والوادى الجديد . والاقباط عايزين أسيوط و سوهاج .والعراقيين و السوريين عايزين مدينة أكتوبر . والسبكى عايز مدينة الانتاج الاعلامى .
احنا بقى من الاخر نشوف دولة اوضتين وصالة بمنافعهم نعيش فيها . كنا زمان نعايب على قطر ونقول عليها قد شارع فى القاهرة . دلوقتى بعد التوزيعة الجديدة و بعد الحصة التمونية الجغرافية الحدودية الدولية الجديدة اصبحت قطر بالنسبة لنا زى الاتحاد السوفيتى زمان . يا دوبك احنا هنكون زى منور و لا بدروم فى سوق واقف بعد ما يقف حالنا .
المهم أنا عارض بيتنا للبيع لو فيه واحد كويتى و لا بحرينى و لا عمانى ممكن يجيب الخرايط وممكن يكون الجدود لعبوا فى الحدود وخدوا البيت منهم . عمار يا مصر يا كريمة يا عظيمة يا لى بتبقششى بأرضك وجزرك على حبايبك يا سلام هو فيه كرم وإيثار زى كدة فى الدنيا كلها .
طيب نشوف بقى تركيا يمكن ليها كمان حق فى أرض مصر مش هم كانوا الدولة العثمانية وحكموا مصر زمان .
يا جماعة لازم نعطى الحق لاصحابه .... وكمان مرة عمار يا مصر يا أم الدنيا
الدنيا كلها رضعت منك يا مصر ... ترضعى الاغراب طبيعى و إحنا شعبك و ولادك ترضعينا لبن صناعى ........ طول ما مصر معاك اوعى تفكر فى سيرلاك ...
المهم بالمرة نشوف اسرائيل نعطي لها سيناء ونشوف ايطاليا واليونان نعطى لهم الساحل الشمالى كله . ونشوف ليبيا نعطى لها السلوم والوادى الجديد . والاقباط عايزين أسيوط و سوهاج .والعراقيين و السوريين عايزين مدينة أكتوبر . والسبكى عايز مدينة الانتاج الاعلامى .
احنا بقى من الاخر نشوف دولة اوضتين وصالة بمنافعهم نعيش فيها . كنا زمان نعايب على قطر ونقول عليها قد شارع فى القاهرة . دلوقتى بعد التوزيعة الجديدة و بعد الحصة التمونية الجغرافية الحدودية الدولية الجديدة اصبحت قطر بالنسبة لنا زى الاتحاد السوفيتى زمان . يا دوبك احنا هنكون زى منور و لا بدروم فى سوق واقف بعد ما يقف حالنا .
المهم أنا عارض بيتنا للبيع لو فيه واحد كويتى و لا بحرينى و لا عمانى ممكن يجيب الخرايط وممكن يكون الجدود لعبوا فى الحدود وخدوا البيت منهم . عمار يا مصر يا كريمة يا عظيمة يا لى بتبقششى بأرضك وجزرك على حبايبك يا سلام هو فيه كرم وإيثار زى كدة فى الدنيا كلها .
طيب نشوف بقى تركيا يمكن ليها كمان حق فى أرض مصر مش هم كانوا الدولة العثمانية وحكموا مصر زمان .
يا جماعة لازم نعطى الحق لاصحابه .... وكمان مرة عمار يا مصر يا أم الدنيا
الدنيا كلها رضعت منك يا مصر ... ترضعى الاغراب طبيعى و إحنا شعبك و ولادك ترضعينا لبن صناعى ........ طول ما مصر معاك اوعى تفكر فى سيرلاك ...