هو سيادة المستشار أحمد الزند لسة فى الامارات لحد دلوقتى ليه ...هو مستنى لما العريس و العروسة اللى راح يحضر فرحهم يخلفوا ولا إيه . طب لو خلفوا هيستنى لما يحضر السبوع وممكن الطهور وممكن لما يدخل البيبى المدرسة ويشوف مستواه الدراسى هيبقى أيه . يا معالى المستشار مصر حبيبتك و عشقك اللى كنت بتقول افديها بروحى ودمى و عقلى فى وعكة دلوقتى ومستنياك تقدم ليها حاجة . الله يرحم أيام ما كنت بتطلع من ألأستديو ده تدخل ده وكانت عربيتك مجرشة ليل ونهار فى مدينة الانتاج الاعلامى وأمام ماسبيرو لحد ما سواقك طلعت بواسيروه
عموما سلم لينا على الحاج أحمد شفيق وقول له أخبار العمرة فى أبوظبى أيه
يا أخوانا انتم اكثر الناس وطنية ومصرية و قومية كما كنتم تدعون و تزعمون طب ليه سبتوا البلد . تعالوا صبحوا على مصر معنا . ولا حتى تشهدوا على عقد زواج فيران من صنافير . عقبال عندكم
يارااااااجل أنت و هو دا أنتم كنتم واحد كان هيبقى رئيس و الثانى كان وزير ...يا خراب بيتى يانى . اومال الراجل الغلبان ابو مقشة وبدلة برتقالى وحتة كرتونة صغيرة داير يكنس فى الشوارع ومخنوق من تريقة وبواخة خلق الله اللى حواليه وهاريينه رخامة وتقل دم يعمل إيه.
يا جدعان تعالوا وخلاص احنا هنعمل بس ليكم ايه .
يا رجالة ده الشعب المصرى بقى عامل زي العربية اللى بتدور ذق . تعالوا ذقوا معنا
تعالوا اثابكم الله ... ومبروك عمرة مقبولة ......وفرح سعيد وزواجة هنية .
الامارات بلد البركات .... والحركات..........