هحكي لكم حكاية .. في بلد أسمها " بورما " هي موجودة جنب الصين و الهند كده ، بيعش هناك أمه مسلمة أسمها " الروهينجا " و بورما أو ليها مسمى تاني هو " ميانمار " بيحكمها عسكر بوذيين و المسلمين هناك بيمثلوا حوالي 10% من السكان .. المسلمين هناك بتعرضوا للأبادة و التشريد و القصة دي مش جديدة الموضوع دة من زمان جداً من سنة 1784 م لما أحتلها ملك بوذي أسمه " بوداباي " اللي خاف من أنتشار الأسلام ف المنطقة و من هنا بدأ أضطهاد المسلمين و البوذيين قاموا بأبشع الممارسات ضدهم من حرق الأطفال و القتل و التعذيب و كُل اللي بيحصل فيهم ده علشان هم مسلمين ليس أكثر !!
لما حاول مسلمين بورما يهربوا مفيش بلد مسلمة محترمة رضيت تستقبلهم ف بقي عندهم option جديد للموت و هو يموتوا ف البحر أو من شدة الجوع و الخوف !!
أنا ليه بحكي الكلام ده .. علشان أحنا هنتحاسب و هنُسأل ع المسلمين أخوتنا دول !!
طيب حد هيسألني أنا أقدر أعمل إيه علشان أساعدهم .. بسيطة جداً الناس دي محدش يعرف عنها حاجة مفيش أعلام بيتكلم عنهم و عن اللي بيعانوه ، أبسط حاجة أنك تكون حاسس بمعانتهم طيب و أن أي مشاكل أنت فيها و شايف أن حياتك خلاص أنتهت أقسم بالله دي ولا حاجة كفاية أن ليك ماؤي و حاسس بأمان و نعم ربنا مغرقاك و أنت لسه معترض و مش عاجبك حالك !!
أنشروا قضيتهم و خلوا الناس تعرف اللي بيحصل ..، أدعوا أدعولهم كتير أوي ف كل وقت .. دي أبسط حاجة نقدر نعملها والله !! . أن شاء الله البوست يلف على كل بلد عربي..
قال رسول الله صلي الله عليه وسلم :- " مثل المؤمنين في توادهم و تراحمهم و تعاطفهم مثل الجسد إذا أشتكي منه عضو تداعي له سائر الجسد بالسهر و الحمي " رواه مسلم