يا مصر يا عروسة .... وأرملة فى عُرسك و لا حد فى يوم صانك وجلس على كرسك
يا مظلومة وحزينة ولا ليكى بر ولا مينا ولا ترسى فيكى سفينة بنضيعك بإدينا
مهما عملنا فيكى ومهما عملتى فينا ...شيفينك إنتى بردو أحلى صورة فى عنينا
تعبانة و مابتشكيش زهقانة و مابتحكيش جاعانة و مابتكليش لا شعب رحمك ولا شرطة و لا جيش ...حكامك جردوكى وكتبوا عليكى مفيش ...
فين خيرك فين ضميرك ومين غيرك يعيش
لوثوا نيلك سودوا ليلك دمروا جيلك ذودوا ويلك
حتى أرضك فى المزاد بسبب الجهل والعناد بسبب القهر والفساد بسبب ظلم البلاد
اصبحنا قوم عاد سككنا انسداد .
يا مصر يا أم الدنيا فيكى قانون ساكسونيا صلبك بقى اللمونيا بتتغيرى كل ثانية
يا ام الحضارة لا سياسة و لا إدارة طبيخك بقى بيصارة نظرك عايز نضارة لا فن و لا عمارة .....
يا مصر يا أم الدنيا فيكى قانون ساكسونيا صلبك بقى اللمونيا بتتغيرى كل ثانية
يا ام الحضارة لا سياسة و لا إدارة طبيخك بقى بيصارة نظرك عايز نضارة لا فن و لا عمارة .....